أنا المرفوض

أنا المرفوض
أنا المرفوض بدون قيد ولا شروط
أنا المرفوض وان لم اسمع ولم اتكلم ولم اتخط اي حدود
أنا المرفوض رفضا قاطعا لم اعط سببا كما هو المفروض
أنا المرفوض وقد اعتدته وبت انتظره بكل برود
أنا المرفوض اقتفي اثر الرفض في كل مكان واخدود
أنا المرفوض وان كان حبا صغيرا مفردا لم يرق لمرتبة الشرود
أنا المرفوض وان اخطأت عيني وتحدثت عن أمل منشود
أنا المرفوض وان احضرت محملا الاوراق مصطحبا الشهود
أنا المرفوض وان كانت وعودي مجسمة صدقها كصدق العقود
أنا المرفوض وقد رفض قبلي من هم احسن شئنا واصحاب امجاد الجد والجدود
أنا المرفوض والرفض لي خيرا لم يدركه عقلي المحدود

قصة الرجل البخيل والرجل الطيب

السلام عليكم

ازيكم يا جماعه عاملين ايه

النهارده هكتب الموضوع بطريقة عرض جديدة

هيه قديمة قدم الدهر بس جديدة علية شويه

فاكرين زمان قصة ذات الرداء الاحمر قصه قديييييييييييمة اوي

زمان دلوقتي الرداء اتقطع وبقى باهت بس القصه كانت لذيذه شويه

القصص دي كانت ومازلت وسيلة تربوية علشان توصل فكرة معينة وانا بحب الطريقة دي جداااااااااااا

وكل الناس الي تعرفني لما بتكلم معاهم بقول كلمة "مثلا" 10 مرات على الاقل

المهم النهارده هحكي ليكم قصة البخيل والطيب وهما جيران على فكره

وبعد القصه هسأل سؤال قريب من القصه بس مش نفس الفكره

يحكي في قديم الزمااااااااااان

كان فيه واحد كويس وواحد بخيل والاتنين جيران

المهم ده معروف انه طيب والتاني معروف انه بخيل

فحصلت مشكله للاخ الطيب واحتاج حاجه من جاره البخيل

فالراجل راح وطلب من البخيل خدمة

والبخيل طبعا رفض

وتكرر الموضوع كذا مرة

والبخيل رده واحد لا يتغير

المهم الظروف اتغيرت والراجل البخيل وقع في أزمة

فاحتاج خدمة من جاره الطيب

فراح ليه وكله امل ان الراجل هيديله على اساس ان جاره طيب بقى

بس جاره الطيب رفض !!!!!

طبعا لسان حال البخيل بيقول يا للهول ازاي ترفض ؟؟؟ ده انت طيب وانا بخيل

يعني انا الناس متوقعه مني كده انما انت طيب المفروض تعاملني كويس

وحزن الرجل البخيل حزنا شديدااااا

القصة خلصت لغايه كده رغم انها ممكن تزيد شويه بس النقطة الي عايز اوصلها اعتقد انها وصلت في الاخر

الموضوع ده كتبته لشخص معين بدون ذكر اسماء وفي نفس الوقت لانه بيمس حاجه مهمة اوي

وممكن تبص للموضوع بطريقة تانيه خالص في مثال تاني وده ليه شعبية جاااااااارفه في مجتمعنا الي بيتعمد بشكل كبير على العواطف

مثلا الرجل العصبي بيقول ايه ؟

وياريت تربط الجملة الي جايه بالقصة الي فوق

يا جماعه انا عصبي وانتو عارفين اني عصبي

فاصل لنواصل +انكار المنكر بالمنكر+ عدنا

السلام عليكم ورحمه الله وبركاته

أزيكم يا جماعة عاملين ايه

والله الواحد وحشته الكتابه بقاله 18 يوم بالظبط مش كتب اي حاجه سواء هنا او في أي موقع تاني

هوه صحيح الواحد مش بيكتب حكم أوخبرات عجوز في ال60 بس شئ كويس ان الواحد ان لو واحد وقع في غلط مثلا

يقوله للناس بطريقه او باخرى في سبيل ان محدش يقع فيه

طبعااااااااااا علشان اكون واضح جداااااااا محدش يقول هوه عمل ايه او يقعد يستعرض الخطأ الي وقع فيه

الاقي تاني يوم واحد عامل بلوج ويكتب انا ندمان اوي يا جماعة على الي عملته امبارح وياريت محدش يقع فيه

انا عاكست واحده امبارح وقلتلها "ياحلو انت يا حلو" ولما مش ادتني وش قلتلها

يابت انا رايدك على طريقة الافلام المصرية القديمة الاسود في الاسود

وعلى فكره موضوع ان الواحد يقول اخطائه ده مهم جداااااااااااااا وشاغل بالي من زمان اوي

فاكر كويس جدا من سنتين او 3

والخبر ده منشور في جريدة اخبار اليوم في العدد بتاع يوم السبت في القسم بتاع اخبار عالمية

واصلا من أهمية الخبر قطعت الخبر ده ومحتفظ بيه

الخبر بقى بيقول ايه

ان فيه قناة هندية فتحت جديد ووسجلت مشاهد لسياسين ورجل دين هندوسي ونجم سينمائي في مواضع مش مظبوطة يعني

وقال الخبر ان قوبل بغضب عارم موجه للقناة

وماقدمت به تلك المحطة ليس الا استغلال للعبة القديمة فبدعوى فضح المنحرفين اخلاقيا نقوم نحن بنشر مثل هذه المواد الاباحية ونستفيد من ذلك

هوه ده المهم في خبر كله والسبب اني كنت مهتم بالموضوع ده

اني كنت عمال ادور يمين وشمال على حاجه تدين جرانين الغبية الي عندنا دي

يعني انا عارف ومتأكد انها غلط مليون في المية بس كنت بقول هل هما نيتهم كويسه يعني بيفضحوا الناس دي مثلا وبس؟

ربنا يهديهم بقى

لاني اعتقد ان وسائل التعبير عننا مصابة بمرض بجد

الجرائد تعبانه صراحه الواحد مش لاقي حاجه يقراها يقول انا ده الحجات كلها غريبة وقديمة وكمان منقولة بالكربون

يعني جرنان اول ميفتح يخصص صفحتين للشباب (وباقي الجرنان للمراهقين تحت 9 سنين) ويكون محتوى الصفحيتن اخطر القضايا

زي الجواز العرفي يعني ببساطه علشان تهتم بالجرنان لازم تكون مجرم وسافل

وساعتها هتلاقي الجرنان بيقول كلام جميل اوي

وبالصدفة عرفت رائي الدين في الموضوع ده

ساعة الاسائة بتاعت رسوم الكاريكاتير ناس بنت حلال نشرت الصور لينا على الايميلات !!!!!!!!! بجد مش عارف باي منطق

يعني الناس قالت ان فيه صور مجسدين فيها الرسول صلى الله عليه وسلم يبقى مش مقبول تمااااااااما انك تشوفها حتى لو مش كانت بتسئ ليه

المهم واحد محترم دور على الموضوع وجاب فتوى بحرمانية نشر الحجات دي وذنبها بيوصل للكفر وكان الراجل منطقة جميل جدا وسهل

وهوه أنه لا يجوز انكار المنكر بالمنكر يعني ايه؟

يعني انت لو شفت واحد واحد في وضع مخل مثلا

مش تقوم تصوره وتفضحه في كل مكان

لا انت كده شفت منكر ومش عجبك فحبيت تنكر المنكر فعملت منك (مش عارف ليه جيه في بالي دلوقتي طبق طبقنا يضرب طبق طبقكم)والحمدلله الرد ده ريحني جدا

يلا خير

أما سبب الغياب الطويل ده بجانب مشاغل الحياة والواحد بيدور على شغل

شفت موضوع في مدونة تانية , صحبة المدونة قالت انها هتبطل تكتب تاني

والسبب انها قرت في مدونة تانية خالص ان الواحد لازم يكتب حاجه مفيدة ده غير ان المدونات كترت اوي

فكل مفكر اكتب حاجه اقعد اقول دي مفيده ولا لا وهل لو الموضوع ده مفيد الي بعديه هيكون مفيد ؟

قررت في الاخر اخليها على الله

وشكراااااااا لكل الناس الي وقفت جنبي وشجعتني ومازالت بتشجعني على العكعكة الي بعملها والي ليها اسم تاني فرعي أسمه التصميم

فنظريا تصميم وعمليا عكعكة

والحمدلله النهارده 14-1 يبقى عدى شهرين بالظبط على اول كليك في الفوتشوب

وعقبال منصمملكم فرحكم

أيظن الذي لا يظن أننا هندخل "أيظن"؟

السلام عليكم

الحمدلله ان عندنا في مصر ناس بتحتكر

ومثال جيد على كده السبكي وايناس الدغيدي

واحد محتكر الهطل والتانيه محتكرة قلة الادب

وبيجمعهم زي اي محتكر حب الفلوس والشهرة

وقدام الناس بيقولوا انهم بيدافعوا عن قضية

طبعا السبكي مش هيعرف ينطق كلمة قضية فهيقول حاجه سهله زي الجمهور الشعبي والناس الغلابة

افرحوا يا جمهور يا شعبي ويا غلابة مصر السبكي حاسس بيكم وبمشاكلكم وعلشان كده بيقدم ليكم تحفته الفنية

أيظن

لو حكمنا على الكتاب من عنوانه هنحرق الفيلم

ولو قرينا الكتاب وحكمنا عليه هنحرق الفيلم بالي فيه

من سوء حظي اني شفت اعلانات بتاعت "اشباه الافلام" الي هتنزل في العيد

وكان ايظن حاجة خاصة للغاية

محتاجة تركيز شديييد لفهم عمق القضية الي بيقدمها

بس استريحت لما عرفت انه كوميديا , قلت يلا بقى اضحك بقى ياعم احمد

واجتهدت فعلا اني اضحك بس مقدرتش صراحة

وكنت ساعتها عايز اقلع ال"شوزي" واضرب الي عملوا العكعكة دي

دم تقيل جدااا على استظراف على قلة ادب على تخلف على عته

ربنا يشفي

والنجم الصاعد بسرعه 100 كليو في الاسبوع

الحجه مي

تسلم اديها صحيح على التحفة الفنية دي

"ايناري ايناري قلبي مولع ناره"

عارفين صوتها عامل زي ايه بجد بجد؟

هات حلة كده كبييير واملها مية واغليها نص ساعة

وحط 5 قطط وسجل الصوت ومش هتحس بفرق بيهم وبين صوت مي

ميووووووووووووووووووووووو ميو ميو

السؤال دلوقتي

هل فيه حد هيدخل الفيلم السفية ده ؟

احنا بجد لازم نقف قدام العالم دي

وانا شايف ان الحل الي في ادينا اننا نقاطع الافلام دي تماااااااااااااما

هوه لما يشوف ان الفيلم مش جايب تكلفته والناس عرفتالي فيها هيحترم نفسه

والعالم الي اسمها صحافة يتكلموا ويقولوا كلمة الحلق ان حاجه زي دي مش تستاهل اسم فيلم اصلا

انما الصحافة تتكلم بعد ما الفيلم ينزل

ويحقق ايردات

ويعملوا 200 لقاء و700 اعلان و1200 اهداء

يبدأوا بقى يقولوا ان الفيلم سخيف وازاي الناس دخلته

طب حضرتك يعني كنت في غواصة ؟ منتا شايف الاعلان وشايف العكعكة الي فيه ؟

عايز تتأكد شوفه في اول يوم واخبطة مقال محترم ومش هتحتاج تبالغ في وصف سوء الفيلم

ولو وجدت صوبة افتكر صوت مي وهيه بتغني وافتكر ال5 قطط الغلابة

نصيحة للسبكي

بدل متعرض الفيلم في السينما اعرضه في قناة

Discovery

please god let me keep this

please god let me keep this

this is not story or thought or imagination

this is real this happening

happening to me but unlucky me happened everyday everyday

every single day I suffer

I suffer from bring away from you all the time

I mean forever and how could I ever be happy if I cant hear, see or even smell

what words shall I hear if it not yours

what light shall I see if it is not reflect from your face

what smell shall I smell if it not yours

you are my legend you are untouchable you totally out of my reach

and unlucky me (again) you don’t love me back

and you wont

I guess that kind stuff no one can know for sure

but I do , to me it is more like science or like 1 plus 1

and through all this pain that kept going for years

I saw that dream it was not just a dream....no

it was more like series of unbelievable

it was me and her ( can you believe this !!)

we talk and talk she was right next to me

I swear I can almost feel her hand for real in world there is no real

above that all I make her smile

I make this lovely angel smile this must be my lucky (dream)

through this Temporary paradise , i wake up

I used to be stupid sometimes but not that much !!

how could I miss this lifetime chance

that is ok

to you it will not be more than a dream

to me it will be my whole memory for next 10 years

I wont be rude and say why I wake up

but please

please god let me keep this

محبط = أحباط شديد = لا حول ولا قوة الا بالله

استحالة حد يقدر يهرب من قدره

مهما حاولت ومهما جيت على نفسك استحالة تهرب من قدرك

بجد عامل زي الافلام بتاعت الخيال العلمي

لما البطل يطلع عين اهله ويرجع ورا بالزمن مية مرة

كل مرة يحاول ولما يرجع يلاقي نفسه عك أكتر

وساعات مكنش بيرجع اصلا

انا دلوقتي حالا عامل زي الاخ ده

رجعت بالزمن كتير والنتجية كل مرة بتكون أسوء

ليه بحاول اخلي كل حاجه حلوة ؟

يعني حاجه ماتت من 4 شهور لازم كل شهر تحاول يعني ؟

النهارده مش هكتب حاجه انا داخل اهبل

وما احلى الهبل في الحالات الي زي دي

انا محبط بطريقة فظيعييييييييية

وده أكتر شعور بكرهه في حياتي كلها

الاحباط

شعور بشع , رخم , سخيف , عقيم , بحس انه بيسحب روحي

بيفقدني القدرة على التفكير تماااااااااااااما مخي بيقف فعلا ربنا يستر على باقي الاعضاء

يمكن علشان بفكر في كل الاحتمالات في اي موقف اتحط فيه

فلما يحصل حاجه زي كده من شخص اعرفه مثلا اتصدم تماما

مش عارف المفروض اكون مدايق او غضبان بس مش حاسس غير بالاحباط

غريب لما يكون فيه شعور قوي للدرجة دي انه يطغى على كل المشاعر التانيه

ثانيه وااااااااااااااااااااااااااحدة

الناس برضو تحب تعرف تعريف الاحباط

الاحباط هوه انواحد يكون عنده دوافع وطموح يكون عايز يحققها

بس بيجد صعوبة في تحقيق الحجات دي

فبتتحول المشاعر دي الى ضيق واستياء فيبتد يدور على مخرج من الي هوه فيه

ةعندما يفشل بقى

يبتدي الانسان يدور داخليا على بدائل للحاجه الي كانت عنده اسم البدائل دي "حيل التوافق"

الحيل دي فايدتها انها تخفف التوتر والاحباااااااااااااااااااااااط

زي مثلا الكبت - الاسقاط -الازاحة - التبرير - التوحد

كل الكلام الكبير ده علشان يحل الصراع الي بين الدافع وبين الفشل الي منعه من تحقيق هدفه

والحيل الجميلة دي فيها مرونه وخديعة والتواء ( على فكره كل ده بين الانسان ونفسه)

اذا لم ينجح انه يضحك على نفسه كمان هيحصل بقى (بعيد عن السامعين) ضغوط نفسيه

واحنا عارفين ان الضغوط النفسيه ذات طابع مثير ومؤثر على سلوك الفرد

تخيل بقى لما مش يكون عندك دافع او هدف وتلاقي بجد كان حاجة تانية خالص

كفااااااااااية انا بدايق نفسي بالكلام ده

انا وصلت للجزء الي المفروض اقول نصيحتي يا جماعة كذا كذا

بس للاسف المرادي مش عندي نصيحة لنفسي حتى

يظهر اني اخترت الشهر الغلط علشان اعمل بلوج ليه

يظهر ان الاختيار الغلط بقى تخصصي :D:D:D

الحمدلله على كل شئ

:)

بالحظ سمعت حاجه والله مش مدبرها هيه جت بالصدفه تماما

"المسألة بالهدوء وكانت صدمة شديدة

لما زمانا يروق هتدبل التنهيده

لما زمانا يروق هيصوصو العصفور

شهد الحقيقه ادوق مش كلمتين ويادوب :D:D:D:D "

مش عارف ليه نفسي هفه عليه اسمع مشوار طويل

اراكم قريبا في موضوع حقيقي

أفكار أنتهت صلاحيتها قبل الاستخدام الحزء الاول

السلام عليكم ورحمه الله وبركاته

أزيكم يا جماعة عاملين أيه

مش عارف ليه كل محب اكتب عن حاجه معينه , اشوف حاجه او اسمع عن حاجه تصدمني صدمة

ابقى كمان شويه هعمل زي وضع الجنين بتاع مسلسل سارة

والنهارده اتصدمت بحرية التعبير

الله يخرب بيت حرية التعبير وسنينها السودة

وليه بنسمي التطاول وقلة الادب حرية تعبير ؟

انا مش عايز اصدم الناس لما تعرف ان فيه ناس مسلمة مصريين زينا كده وعرب وقال ايييييييييييييييييه

حاطين بانر support denmark

!!!!!!!!!!!!!!!!

طب انا هعمل بطريقه مدرس اعدادي هجيب الواد قدامي واتكلم معاه

هقوله بص ايدي جنبي اهيه مش هضربك بس قلي انت حليت المسئله دي ازاي ؟

ازاي حضرتك تدعم الدولة دي؟ انت كنت في غواصة لما عملوا الكاريكاتير ؟

وبعدين ده مكتوب ادعم الدنمرك في كفاحها من اجل حرية التعيبر !!

هيه بقت مشهورة دلوقتي بحرية التعبير خلاص ؟ يعني سابت الجبنه والزبدة وبتشتغل دلوقتي في حرية التعبير ؟

يعني لو نشرت الهبل ده مره هنقول حرية تعبير (من منظورهم) انما كذا مره ؟

كلام مش منطقي خالص يعني

انا مع حرية الرأي وحاجه ميه ميه بس سدقني دي حرية اه بس مش حرية رأي خالص

هناك في اوربا بيصورا سيدنا المسيح وربنا سبحانه وتعالى على عما يصفون علوا كبير وهناك مفيش مشاكل وكل حاجه هناك تمام وبيكون فيه احتجاجات على الديق كده مش بتتجاوز جدران الكنيسه نفسها

بس ده أوربا مش احنا

هناك الواحد يبكلم ربه كانه بيكلم واحد صحبه

هل احنا زيهم ؟ لا طبعا ولا حتى قريبين منهم

انا كنت قلت قبل كده اني معجب جدا بالسعودية لانها محتفظة بشكلها ونظامها الثابت على مر السنين

حتى بعد العولمة الي اتمسحنا قدامها كانت السعودية صامدة برضو

لازم نفرق بين حرية التعبير وقلة الادب

لما واحد يقول انا مش مؤمن بالقدر أصلا ! وغيره من الامثله الي مش عايز اقولها علشان مش أعود الناس عليها

انا فاكر زمان وانا صغير كنت بسمع الناس لما تقول على كلمة مش كويسه ولا حاجه زي مثلا الجنس

تلاقي الناس على طووووووول بتقول بعديها (والعياذ بالله)

دلوقتي اشطه ياعم وصبح صبح يا حج

واحنا كبرنا وعايزين نعرف والثقافة الي مش عارف ايه وحاجه تشرح القلب .

وحتى بره ابتدوا يعانوا من موضوع الحرية ده

لان الانسان بدون قيود وقوانين بيشطح مع نفسه

يعني هناك عادي جدا ان الناس مش مؤمنة بان فيه اله اصلا

وحرية ملابس وكلام وكل حاجه والنتيجه ان في امريكا مثلا حادثة اغتصاب كل (ثانية)

يعني بكتب الموضوع ده من تلت ساعة مثلا يبقى 20*60 =1200 واحدة حصلها اغتصاب وانا بكتب الموضوع بس

وظهر انواع جديدة من الجرايم مكناش نحلم بيها ولا حتى الافلام وصلت للمرحله دي

والعالم الي احنا بنتطلع ليهم في قوة حرية التعبير المزعومة دي

لو فتحت بقك بكلمة على اسرائيل هتشوف حرية التعبير على حقيقتها بصحيح

يعني في بريطانيا 300 الف يهودي و3 مليون مسلم

قول الي انت عايزه على المسلم بس اليهودي لو قلت كلمة عليه وشك للحيط وقفاك ليه

ولسه من قريب مسلسل توقف في امريكا علشان معادي للسامية رغم انه كان جايب ارقام حلوة

وبدام الموضوع حرية رأي كده

يبقى محدش يقول لرئيس ايران حاجه

الراجل قال رائيه ان اسرائيل تتمسح من المنطقة

الدنيا كلها وقفت في وشه اصلا

بجد لازم يكون فيه قوانين دولية ومحلية لموضوع حرية الرأي ده

وساعتها هأيد صدور قوانين لحماية حرية التعبير وانها تكون مكفولة لكل انسان

يالهووووي فاعل الخير بيخطفني --- لما يصبح فعل الخير عبئ----أهمية الصدقات

السلام عليكم

أزيكم يا جماعه عاملين ايه

كان المفروض اكتب عن حاجه غير الي بكتب عنها النهارده بس الموضوع ده لسه سامعه من حاجه بسيطة

وقلت اخد رائي الناس عل وعسى نطلع بفايده

اولا فايدتها

قال صلى الله عليه وسلم
" والصدقة برهان "
سبب في شفاء الأمراض:
قال صلى الله عليه وسلم
" داووا مرضاكم بالصدقة "
تظل صاحبها يوم القيامة:
قال صلى الله عليه وسلم
" كل امرئ في ظل صدقته حتى يُفصل بين الناس "
تطفىء غضب الرب:
قال صلى الله عليه وسلم
" صدقة السر تطفىء غضب الرب "
محبة الله عز وجل:
قال عليه الصلاة والسلام
" أحب الأعمال إلى الله عز وجل سرور تدخله على مسلم، أو تكشف عنه كربة، أو تقضي عنه دينا، أو تطرد عنه جوعا، ولئن أمشي مع أخي في حاجة أحب إلي من أن اعتكف في هذا المسجد شهر "
الرزق ونزول البركات:
قال الله تعالى
" يمحق الله الربا ويربي الصدقات "
البر والتقوى:
قال الله تعالى
" لن تنالوا البر حتى تنفقوا مما تحبون وما تنفقوا من شيء فإن الله به عليم "
تفتح لك أبواب الرحمة:
قال صلى الله عليه وسلم
" الراحمون يرحمهم الله، ارحموا من في الأرض يرحمكم من في السماء "
يأتيك الثواب وأنت في قبرك:
قال صلى الله عليه وسلم:
" إذا مات ابن آدم انقطع عمله إلا من ثلاث صدقة جارية أو علم ينتفع به أو ولدٍ صالح يدعو له "
توفي الصدقة نقص الزكاة الواجبة:
حديث تميم الداري ـ رضي الله عنه ـ مرفوعاً قال: " أول ما يحاسـب بـه العبد يـوم القيامـة الصلاة؛ فإن كان أكملها كتبت له كاملة، وإن كان لم يكملها قال الله ـ تبـارك وتعـالى ـ لملائكته : هل تجدون لعبدي تطوعاً تكملوا به ما ضيع من فريضته ؟ ثم الزكاة مثل ذلك، ثم سائر الأعمال على حسب ذلك "
إطفاء خطاياك وتكفير ذنوبك:
قال صلى الله عليه وسلم
" الصوم جنة، والصدقة تطفىء الخطيئة كما يطفىء الماء النار "
تقي مصارع السوء:
قال صلى الله عليه وسلم
" صنائع المعروف تقي مصارع السوء "
أنها تطهر النفس وتزكيها:
قال الله تعالى
" خذ من أموالهم صدقة تطهرهم وتزكيهم بها "
و قال صلـــى اللــه عليــه وسلــــم :
" ما نقص مال من صدقة "
و قال صلـــى اللــه عليــه وسلــــم :
" اتقوا النار ولو بشق تمرة "قال صلى الله عليه وسلم
" والصدقة برهان "
سبب في شفاء الأمراض:
قال صلى الله عليه وسلم
" داووا مرضاكم بالصدقة "
تظل صاحبها يوم القيامة:
قال صلى الله عليه وسلم
" كل امرئ في ظل صدقته حتى يُفصل بين الناس "
تطفىء غضب الرب:
قال صلى الله عليه وسلم
" صدقة السر تطفىء غضب الرب "
محبة الله عز وجل:
قال عليه الصلاة والسلام
" أحب الأعمال إلى الله عز وجل سرور تدخله على مسلم، أو تكشف عنه كربة، أو تقضي عنه دينا، أو تطرد عنه جوعا، ولئن أمشي مع أخي في حاجة أحب إلي من أن اعتكف في هذا المسجد شهر "
الرزق ونزول البركات:
قال الله تعالى
" يمحق الله الربا ويربي الصدقات "
البر والتقوى:
قال الله تعالى
" لن تنالوا البر حتى تنفقوا مما تحبون وما تنفقوا من شيء فإن الله به عليم "
تفتح لك أبواب الرحمة:
قال صلى الله عليه وسلم
" الراحمون يرحمهم الله، ارحموا من في الأرض يرحمكم من في السماء "
يأتيك الثواب وأنت في قبرك:
قال صلى الله عليه وسلم:
" إذا مات ابن آدم انقطع عمله إلا من ثلاث صدقة جارية أو علم ينتفع به أو ولدٍ صالح يدعو له "
توفي الصدقة نقص الزكاة الواجبة:
حديث تميم الداري ـ رضي الله عنه ـ مرفوعاً قال: " أول ما يحاسـب بـه العبد يـوم القيامـة الصلاة؛ فإن كان أكملها كتبت له كاملة، وإن كان لم يكملها قال الله ـ تبـارك وتعـالى ـ لملائكته : هل تجدون لعبدي تطوعاً تكملوا به ما ضيع من فريضته ؟ ثم الزكاة مثل ذلك، ثم سائر الأعمال على حسب ذلك "
إطفاء خطاياك وتكفير ذنوبك:
قال صلى الله عليه وسلم
" الصوم جنة، والصدقة تطفىء الخطيئة كما يطفىء الماء النار "
تقي مصارع السوء:
قال صلى الله عليه وسلم
" صنائع المعروف تقي مصارع السوء "
أنها تطهر النفس وتزكيها:
قال الله تعالى
" خذ من أموالهم صدقة تطهرهم وتزكيهم بها "
و قال صلـــى اللــه عليــه وسلــــم :
" ما نقص مال من صدقة "
و قال صلـــى اللــه عليــه وسلــــم :
" اتقوا النار ولو بشق تمرة "

ثانيا المواقف الي خلتني اكتب الموضوع

أول موقف وهيه بالمناسبة حقيقة تماما والناس دي أعرفها شخصيا بس مفيش داعي لذكر أسامي

كان واحد مروح بيته وراكب العربية في أمان الله

المهم هوه مش من مصر ومروح عادي وكان وقتها في عز الحر وكان فيه واحده واقفه في الشمس هيه و2 بناتها صغيرين كده وشاورت للراجل يقف

الراجل وقف بس علشان البنات الصغيره والست جت تركب قدام قالها لا اركبي ورا

المهم ركبت وكله تمام ومشي في امان الله

مفيش 5 دقايق لقى الست بتصرخ يالهوووووووووووووووووي الراجل خاطفني انا وبناتي

انا عارف معلش اصبر على الرز

تاني مشهد

واحد خلص شغله في مكان وبيمشي في طريق معين كل يوم علشان يركب المترو ويرجع بيته الي هوه في بلد تانيه جنب القاهره

مره كان ماشي في الشارع الطويل الفاضي ده جاله واحد كده شكله غريب رسمي

المهم قاله ازيك يا فلان عامل ايه وايه الاخبار ياباشا

وصاحبنا مش عنده ادنى فكره عن الاخ ده خالص

قاله انت عارفني؟

قاله طبعا ياراجل وانت ساكن في الحته كذا وابوك حبيبي الحج فلان

!!!!

حاجه غريبة فعلا

واداله لفه قاله دي امانه بقى توصلها لفلان جاركم

قاله دي فيها ايه دي ؟

قاله لا دي بودره بس علشان تحميض الافلام ومش تقيله خالص

الراجل طبعا قلق منه وقاله لا انا مش مروح ورايح في كذا مكان ومعلش ومشي

وعرف بعد كده ان اللفه دي كان فيها هيروين من واحد قريبه في المباحث انهم حاطين عنيهم على الاخ ده من زمان

للاسف فيه أمثله كتيره جدا للموضوع ده وبقى سخيف أوي

انا فاكر كنت راكب المترو مره من كام شهر كده ولقيت بنت لابسه لبس الغلابة وماسكة ورقه مطبوعة

مكتوب فيها انها ظروفها صعبه وكلام كده دراما

ومعاها بتاع 50 نسخه بتوزعهم على الناس وترجع تلمهم تاني

يعني انا اسمي ده ايه ؟

ورقه مطبوعة كمبيوتر

ايه الشحاته الجديده دي؟ دي حاجه مستفذه فعلا

وموضوع صدقة الشارع ده خطير جدا والمهندس محمد الصاوي اتكلم فيه كذا مره وأكد على خطورته

بس محدش عمل اي حاجه

والموضوع ببساطه للناس الي مش سمعت عنه قبل كده

انه خطر جدا وغلط وحرااااام كمان انك تدفع فلوس في الشارع كده لاي حد من الناس الي بتدعي انها غلبانه ومش لاقيه تاكل

زي الست ام محمد كده الي عنده كبري شبرا الخيمة

لو واحد كان نزل تحت النفق علشان يروح النحيه التانيه اكيد شافها هيه وابنها محمد

الي جريده المصري اليوم عملت موضوع عنها وطلع انها بتكسب 100 جنيه في اليوم وبتاكل هيه وعيالها لحمه والسبب في كده ان النطع جوزها عاطل

الموضوع طويل علشان كده هعمله جزء تاني

21 year 10 month 10 days

السلام عليكم

ازيكم يا جماعه عاملين ايه

ده اول موضوع ليه في البلوج دي وهوه مخصص علشان افسر العنوان بتاع البلوج دي والنظام العام هنا

العنوان واضح انه عمري

انا عندي 21 سنه و10 شهور و10 ايام لما عملت البلوج دي

عملتها امبارح وبكتب النهارده أول حاجه

والسبب من اني اعمل بلوج دي اني حاسس ان العمر بيعدي بدون مبعمل الي في دماغي

من وانا صغير وانا عايز اعمل حجات كتيره جدا واكون كذا شخص في بعض

اكون لاعب كوره وكاتب وصحفي ومخرج وشاعر ودكتور جامعي ومن كام يوم ضفت حاجه جديده وهيه أكون مصمم جرافيك

مش عارف دي حاجه حلوه ولا وحشه بس لما بقارن انجازاتي برغباتي بلاقي نتيجه مفزعه

يعني 21 سنه مش قليل خاااالص المفروض اكون انجزت اكتر من كده

وبما اني متفائل بشكل عام فهقول ان الوقت مش فات اني اكون انا

وعملت البلوج علشان اشوف كل فتره عملت ايه مش قررت لسه هتكون سنه ولا 6 شهور مش عارف

بس هقارن انا دلوقتي واقف عند أيه وبعد كده ايه الي جد

وسبب تاني اني بحب الارقام فعلا لانها غالبا بتكون صادقة مش فيها لعب ولا تحوير زي الكلام

وحاجه تالته مهمه جدا أني اشوف التغيرات الي بتحصل حوالينا وتأثيرها علينا وعلى غيرنا

يارب من خلال البلوج دي اشجع الشباب الغلبان الطيب انه يرجع لاصله الطيب ويعمل حاجه من نفسه

ويبدأ يراجع تصرفاته ويطور من نفسه

كلنا بنخرج عن مسارنا أحيانا بس لما بنطول في الخروج ده بيكون هوه المعتاد

فاكر من سنتين او3 ان واحد صحبي قالي مثال فاكره كويس

تخيل مثلا ان فيه واحد اتولد وقالوا ليه ان اللون الابيض اسمه الاسود واللون الاسود اسمه الابيض

وبعد مرور سنين بالصدفه بيتكلم مع واحد صحبه بيقوله الورد البيضاء الي هناك دي حلوه أوي

قاله لا دي سودا ياعم

لا والله العظيم دي وردة بيضاء

رد عليه مش تحلف بس دي وردة سودا

المثال ده بيحصل في حياتنا كتير وفي الواقع الاتنين مش غلطانين وبيتكلموا بصدق

بس بتحصل مشاكل كتيره بسبب الموضوع ده

فممكن يكون اللون الابيض مختلف في نظرنا احنا كمان , الله اعلم

يارب بس اداوم على الكتابة هنا ونستفيد كلنا ان شاء الله

ملحوظة

علشان اكون اكتر تحديدا

في البلوج دي هكتب خواطروملاحظات وافكار

احط لينكات كتب تكون مفيده للكل واي حاجه ممكن الناس تستخدمها في تطوير نفسها

لو عملت تصميم هبقى احطه او احدد يوم في الاسبوع للحجات دي

بالنسبه للقواعد

مش فيه حاجه معينه بس الي يرد هنا يكون بالغ عاقل مدرك ان فيه ناس غيره هتقرى الكلام الي بيكتبه

فالمسلم من سلم المسلمون من لسانه ويده . و ليس بطعان أو لعان أو فاحش أو بذئ